Għaxra oħra żgħar imma kbar

Wara r-rispons sabiħ għall-ktieb Għaxra żgħar imma kbar, Pubblikazzjoni Preca ppubblikat volum ieħor bl-isem Għaxra oħra żgħar imma kbar. Dan il-ktieb ilaqqagħna ma’ għaxar żagħżagħ oħra li għexu l-fidi tagħhom b’ferħ u kuraġġ kbir. Ix-xewqa tagħna hi li l-eżempju ta’ dawn iservi ta’ ispirazzjoni għal kull min jaqrah. Il-ktieb jinkludi wkoll intervista qasira ma’ Antonia Salzano, omm Carlo Acutis, kif ukoll ġabra qasira ta’ kwotazzjonijiet ta’ dawn iż-żgħażagħ tassew kbar.